Վթար Արցախում. 32-ամյա ուղեւորը տեղում մահացել է

2021թ. հոկտեմբերի 30-ին` ժամ 01:25-ի սահմաններում, ԱՀ Ասկերան քաղաքի 1994թ. ծնված բնակիչը, վարելով իրեն պատկանող «Մերսեդես Բենս C200» մակնիշի ավտոմեքենան, Ստեփանակերտ-Ասկերան ավտոճանապարհի 16-րդ կմ հատվածում կորցրել է ավտոմեքենայի նկատմամբ լիարժեք ղեկակառավարումը, բախվել հողաթմբին և շրջվել, ինչի հետևանքով ստացած մարմնական վնասվածքներով տեղափոխվել է բուժհաստատություն, իսկ ուղևոր՝ նույն քաղաքի 1989թ. ծնված Գագիկ Բագրատի Համբարձումյանը ստացած մարմնական վնասվածքներից տեղում մահացել է: Այս մասին հայտնում են Արցախի Հանրապետության Քննչական կոմիտեից:

Դեպքի վայր է մեկնել ԱՀ ՔԿ տարածքային քննչական վարչության քննիչը:

ԱՀ քննչական կոմիտեում ԱՀ քրեական օրենսգրքի 253-րդ հոդվածի 2-րդ մասով հարուցված և վարույթ ընդունված քրեական գործի նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով: