Հերթական հայատյացությունն ու հունատյացությունը Ադրբեջանի դպրոցներում

Ամերիկացի լրագրող Լինդսի Սնելը, որը լուսաբանում է Մերձավոր Արևելքի և Հյուսիսային Աֆրիկայի հակամարտություններն ու ճգնաժամերը, Twitter-ում հրապարակել է Ադրբեջանի կառավարության հաստատած՝ 11-րդ դասարանի ընդհանուր պատմության դասագրքից սքրինշոթ։

Այս անգամ ադրբեջանական «պատմության» դասագրքում առաջադրանք է հրապարակվել ուսանողների համար, որոնք պետք է «համեմատեն հույն ազգայնականների կողմից Կիպրոսի թուրք բնակչության և հայ օկուպանտների կողմից Ղարաբաղում ադրբեջանցիների դեմ իրականացված ցեղասպանությունն ու ահաբեկչական գործողությունները»։

Իր հերթին, հունական Greek City Times-ի ղեկավար Փոլ Անտոնոպուլոսը ռեթվիթել է գրառումը և գրել. «Ադրբեջանցիները մտնում են՝ իմ Twitter-ում և գրում. «Ադրբեջանը հույների հետ խնդիրներ չունի, մենք միայն հայկական քարոզչության հետ ենք խնդիրներ ունենում»»: