Մեկ օրում բացահայտվել է 62 հանցագործություն. հայտնաբերվել է 2 անհետ կորած, 5 հետախուզվող, կամավոր ներկայացել է 7-ը

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 12-ից 13-ը Հայաստանի Հանրապետության ոստիկանության ստորաբաժանումները բացահայտել են հանցագործության 62 դեպք, որից՝ 5-ը նախկինում կատարված։

Ոստիկանությունից  հայտնում են, որ մասնավորապես՝ անձնական ունեցվածքի գողության՝ 19, թմրամիջոցի հայտնաբերման՝ 7, մարմնական վնասվածք պատճառելու՝ 6, խարդախության, յուրացման կամ վատնման և փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելու, իրացնելու կամ օգտագործելու՝ 4-ական, ապօրինի ծառահատման՝ 3, անձի առևանգման, ավազակային հարձակման, գույքը դիտավորությամբ ոչնչացնելու, դրամանենգության, կաշառակերության, պաշտոնեական կեղծիքի կամ անփութության, սպառնալիքի, ընտանեկան բռնության, ընդերքի պահպանման և օգտագործման կանոնները խախտելու ու անձին տեղեկություն ներկայացնելուց հրաժարվելու՝ 1-ական դեպք։

Հայտնաբերվել է 2 անհետ կորած, 5 հետախուզվող։ Կամավոր ներկայացել է 7 հետախուզվող։

Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 4 և բնակարանային գողության 1 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 22 պատահար. 1 մարդ զոհվել է, 23-ը՝ ստացել տարբեր աստիճանի մարմնական վնասվածքներ: