|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Հացադուլի տասներորդ օրը Վրաստանի նախկին նախագահ Միխեիլ Սաhակաշվիլիի ինքնազգացողությունը վատացել է: Այս մասին հայտարարել է նրա անձնական բժիշկ Նիկոլոզ Կիպշիձեն, որն այսօր նրան այցելել է բանտում:
Բժշկի խոսքով՝ Սահակաշվիլին հրաժարվում է նաև մեղր և հյութ ընդունելուց, ինչի մասին հայտնել են քրեակատարողական ծառայությունից: Նա ներկայումս միայն ջուր է ընդունում:
Կիպշիձեի խոսքով՝ Վրաստանի երրորդ նախագահը արյան հազվագյուտ հիվանդություն ունի՝ թալասեմիա, որի դեպքում հացադուլը խստիվ արգելված է:
Միխեիլ Սահակաշվիլին ձերբակալվել է Թբիլիսիում հոկտեմբերի 1-ին՝ այն բանից հետո, երբ միացրել էր ուկրաինական հեռախոսը, որը գաղտնալսում էին վրացական հատուկ ծառայությունները: Այս հեռախոսից նա ներբեռնել էր իր վերջին տեսաուղերձը, որում ասում էր, որ շուտով կձերբակալվի, և կոչ էր արել իր կողմնակիցներին՝ պայքարել Բիձինա Իվանիշվիլիի ռեժիմի դեմ: