Այգեձորի 67 հասցեում գտնվող տարածքը հանձնվեց ՀՀ միջուկային անվտանգության կարգավորման կոմիտեին. լաբորատորիա կստեղծվի

Կառավարությունն իր այսօրվա՝ սեպտեմբերի 30-ի նիստում որոշում կայացրեց «Էներգետիկայի գիտահետազոտական ինստիտուտ» փակ բաժնետիրական ընկերության կանոնադրական կապիտալը նվազեցնելու, տարածք հետ վերցնելու և ամրացնելու մասին:

Կառավարության որոշման այդ նախագծով Երևան քաղաքի Այգեձորի 67 հասցեում գտնվող տարածքը, որի մի մասը գտնվում է «Էներգետիկայի գիտահետազոտական ինստիտուտ» ՓԲԸ հաշվեկշռում («Էներգակարգաբերում» մասնաճյուղի վարչաարտադրական շենքում),  իսկ մյուս մասը՝ ՀՀ տարածքային կառավարման և ենթակառուցվածքների նախարարությանն է պատկանում, լաբորատորիա ստեղծելու նպատակով  կհանձնվի ՀՀ միջուկային անվտանգության կարգավորման կոմիտեին: