Արտաշատում շունը հարձակվել է հարեւանների վրա, կծել նրանցից երեքին. վերջիններս տեղափոխվել են հիվանդանոց

Հուլիսի 16-ին, ժամը 12:05-ին Արարատի մարզային ճգնաժամային կառավարման կենտրոն ահազանգ է ստացվել, որ Լուսառատ գյուղի Գ.Չաուշ փողոցում գտնվող տներից մեկի բակի շունը կծել է հարեւանին եւ անհանգստացնում է մյուս բնակիչներին։ Այս մասին Yerkir.am-ը տեղեկանում է ԱԻՆ-ից:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ շունը կծել է Ա․ Պ․-ին (ծնված 2000 թ.), Ա․ Գ․-ին (ծնված 1952 թ.) եւ Ս․ Ս․-ին (ծնված 1970 թ.), ովքեր  տեղափոխվել են Արտաշատ քաղաքի ԲԿ։ Բժիշկները Ա․Պ․-ի առողջական վիճակը գնահատել են միջին ծանրության, իսկ մյուսներինը՝ բավարար:

Փրկարարները քնեցրել են շանը եւ տեղափոխել Դիմիտրով գյուղ։