Մենք բացահայտել ենք վարչական ռեսուրսի կիրառման ողջ շղթան. Արամ Վարդևանյանը՝ ՍԴ դիմելու հիմքերի մասին

«Հայաստան» դաշինքը ՍԴ դիմում է մուտքագրել՝ Կենտրոնական ընտրական հանձնաժողովի 2021 թվականի հունիսի 27-ի որոշումն անվավեր ճանաչելու պահանջով․ լրագրողներին ասաց «Հայաստան» դաշինքի պաշտոնական ներկայացուցիչ Արամ Վարդևանյանը։

«Մենք վիճարկել ենք ընտրության արդյունքների վերաբերյալ ընդունված որոշման սահմանադրականությունը, օրինականությունը և առկա փաստական հանգամանքները։ ՍԴ-ն նշված դիմումը քննության առարկա է դարձնելու թե՛ քանակական խախտումների իմաստով, թե՛ որակական իմաստով»,- ասաց Վարդևանյանը։

Նա նշեց՝ 12 կետից բաղկացած խնդիրների մանրամասն վերլուծությամբ դիմում են ներկայացրել՝ կից փաստաթղթերով և դրանց վերաբերյալ հիմնավորումներով։