Շվեյցարիան նախատեսում է նորացնել ռազմական տեխնիկան

Շվեյցարիան որոշում է կայացրել գնել ամենաթանկարժեք F-35A Lightning II կործանիչները, որոնք արտադրում է ամերիկյան Lockheed Martin ընկերությունը՝ իր մարտական ինքնաթիռների պարկը թարմացնելու համար: Այս մասին հայտնում է Voennoye Obozreniye տելեգրամ-ալիքը:

Հայտարարվել է նաև, որ նախատեսվում է Patriot PAC-3 զենիթահրթիռային համակարգերի մատակարարման պայմանագիր կնքել:

Շվեյցարիան համարվում է աշխարհի ամենախաղաղ երկրներից մեկը, որը բոլոր պատերազմներում եղել է չեզոք։

Նշենք, որ ԱՄՆ–ը նախատեսում էր Թուրքիային վաճառել «Պատրիոտ» ՀՕՊ համակարգեր, սակայն դրանց արժեքի ու ՄՏԲ–ի պատճառով Թուրքիան գնեց ռուսական Ս-400-ները, որոնց պատճառով ԱՄՆ–ը զրկեց նրան Ֆ-35 կործանիչներից։