Լենա Նազարյանը Թագուհի Թովմասյանին ասաց «իդիոտկա», Թովմասյանն էլ պահանջեց ամբիոնից ներողություն խնդրել լկտի վարքագծի համար

Դրանից հետո Թագուհի Թովմասյանը դարձյալ վերադարձավ ամբիոնի մոտ՝ պահանջելով ամբիոնից ներողություն խնդրել։ «Տիկին Նազարյան, ամբիոնից պահանջում եմ ներողություն խնդրեք Ձեր լկտի վարքագծի համար, այլապես շատ ավելի կոշտ եմ գտնվելու։ Փոխանակ ներողություն խնդրեք, որ Ձեր իշխանությունը լցրել եք կարտոֆիլի տոպրակների մեջ, քննադատությանը պատասխանում եք վիրավորանքո՞վ։ Ամաչեք ուղղակի, էս ինչ վարքագիծ է։ Այս պատերազմն ուղղակի հետևանք է թողել իմ մաշկի վրա, ես դա զգում եմ։ Դուք այստեղ՝ Երևանում, նստած, ոչնչից տեղյակ չեք, չեք զգում թշնամու մուտքը։ Դուք հասկանո՞ւմ եք ընդհանրապես Ձեր կարգավիճակի լրջությունը, պաշտոնի կարևորությունը։ Մի հատ սթափվեք և հետևություններ արեք», - հայտարարեց Թովմասյանը։