Վլադմիր Պուտինը զգուշացրել է Արեւմուտքին՝ չհատել կարմիր գծերը Ռուսաստանի հետ

Ռուսաստանի նախագահը Դաշնային խորհրդին ուղղված ամենամյա ուղերձում համառոտ անդրադարձել է Արցախին՝ նշելով պատերազմի դադարեցման գործում Ռուսաստանի դերակատարության մասին:

Վլադմիր Պուտինը զգուշացրել է Արեւմուտքին՝ չհատել կարմիր գծերը Ռուսաստանի հետ: Սադրանքների կազմակերպիչները, Պուտինի խոսքով, այնպես կզղջան, ինչպես երբեք ոչ մի բանի համար չեն զղջացել:

Ռուսաստանի նախագահի խոսքով՝ Մոսկվան չի ցանկանում այրել կամուրջները, բայց եթե որեւէ մեկը իրենց բարի մտադրությունը թուլություն ընկալի եւ մտադրվի վերջնականապես այրել, կամ նույնիսկ պայթեցնել կամուրջները, ապա պետք է իմանա, որ պատասխանը կլինի հավասարազոր, արագ եւ խիստ:

«Ռուսաստանին կպնելը կարծես նոր սպորտաձեւ լինի, ով ավելի բարձր ինչ-որ բան կասի»,-նշել է Պուտինը: