Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 3 տարի առաջ - 2021-04-09 17:51
Մշակույթ

Ապրելու վճռականության մասին. կայացել է արցախցի լուսանկարչի՝ 44-օրյա պատերազմին արված լուսանկարների ցուցահանդեսը

Ապրելու վճռականության մասին. կայացել է արցախցի լուսանկարչի՝ 44-օրյա պատերազմին արված լուսանկարների ցուցահանդեսը
Ապրիլի 8-ին Երևանի «Թերլեմեզյան» ցուցասրահում Համազգային հայ կրթական եւ մշակութային միության Արցախի գրասենյակի նախաձեռնությամբ կայացել է արցախցի լուսանկարիչ Դավիթ Ղահրամանյանի՝ արցախյան 44-օրյա պատերազմի ընթացքում արված լուսանկարների ցուցահանդեսի բացումը:
 
Բացման խոսքով հանդես եկավ Համազգայինի Արցախի գրասենյակի տնօրեն Հերմինե Ավագյանը:
 
«Այս լուսանկարներից յուրաքանչյուրը պատմություն է՝ մեր ապրած ու չապրած օրերի, մեր կորուստների,ցավի, սպասումի եւ միաժանակ՝ ապրելու վճռականության մասին: Այս լուսանկարները մեծ ասելիք ունեն մեզ ու աշխարհին»,- նշել է Հ.Ավագյանը:
 
Ներկաներին իրենց սրտի խոսքն են հղել լուսանկարիչ Դավիթ Ղահրամանյանը, Համազգային հայ կրթական եւ մշակութային հիմնադրամի տնօրեն Սպարտակ Ղարաբաղցյանը, Փ.Թերլեմեզյանի անվան ուսումնարանի տնօրեն Աննա Մնացականյանը, Դավիթի լուսանկարներում պատկերված, զոհված հերոսներից մեկի՝ Կոլյա Նիկողոսյանի ծնողները:
 
Երգչուհի Սյուզաննա Մելքոնյանը միջոցառման ընթացքում հանդես է եկել ազգային-հայրենասիրական երգերով:
Ցուցահանդեսին ներկայացվել են շուրջ 100 լուսանկարներ՝ Արցախի տարբեր վայրերից, որտեղ ընթացել են թեժ մարտեր: Լուսանկարիչը պատկերել է նաեւ թիկունքը՝ ավերված քաղաքներ, ծննդատուն, հիվանդանոցներ, եկեղեցի, ապաստարաններ, սպասող մայրեր, կանայք, երեխաներ:
 
Ցուցահանդեսը բաց կլինի մինչեւ ապրիլի 18-ը: Հաջորդ ցուցահանդեսը կկայանա Ստեփանակերտում:
 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը