Այս պահին Երևանում sett-weather
Փոխարժեքներ 23 06 2026
USD ⚊ $ 368.07
EUR ⚊ € 421.59
RUB ⚊ ₽ 4.9813
GBP ⚊ £ 487.1
GEL ⚊ ₾ 138.83
Միասին կարող ենք
կարևոր
0 դիտում, 5 տարի առաջ - 2021-03-12 15:08
Հասարակություն

«Հայ գերիներին շուտափույթ հայրենիք վերադարձնելու հարցն առաջնային է». Արցախի ԱԺ նախագահն ընդունել է ՄԻԵԴ-ում ՀՀ ներկայացուցչին

«Հայ գերիներին շուտափույթ հայրենիք վերադարձնելու հարցն առաջնային է». Արցախի ԱԺ նախագահն ընդունել է ՄԻԵԴ-ում ՀՀ ներկայացուցչին

Մարտի 12-ին Արցախի Ազգային ժողովի նախագահ Արթուր Թովմասյանն ընդունել է Մարդու իրավունքների եվրոպական դատարանում  Հայաստանի Հանրապետության ներկայացուցիչ Եղիշե Կիրակոսյանին: Քննարկվել են հետպատերազմյան իրողությունների հետ կապված հարցեր:

Արցախի ԱԺ-ից հայտնում են, որ խորհրդարանի ղեկավարը բարձրացրել է Ադրբեջանում գտնվող գերեվարված քաղաքացիների իրավունքների պաշտպանության հարցը՝ առաջնային համարելով նրանց շուտափույթ հայրենիք վերադարձնելու հարցը:

Եղիշե Կիրակոսյանն ընդգծել է,որ հարցը օրակարգում է, և ամեն ջանք գործադրվում է՝ գործընթացին նպաստելու համար:
 
Այնուհետև հանդիպումը շարունակվել է ընդլայնված կազմով: Ազգային Ժողովի արտաքին հարաբերությունների ու պետաիրավական հարցերի մշտական հանձնաժողովների անդամների մասնակցությամբ հանդիպմանը ներկայացվել է միջպետական իրավական գործընթացը: Հայաստանը Եվրոպական դատարան է դիմել պատերազմի ժամանակ մարդու իրավունքների կոպիտ խախտումների, պատերազմական հանցագործությունների առնչությամբ: Փետրվարի 1-ին ներկայացվել է «Հայաստանն ընդդեմ Ադրբեջանի» միջպետական գանգատը:

Խորհրդարանականների կողմից բարձրացվել է տեղահանված բնակիչների գույքային իրավունքների ու գերեվարված հայերի ճակատագրի հարցը:

Համապատասխան պարզաբանումներով հանդես են եկել  ՄԻԵԴ-ում Հայաստանի ներկայացուցչի տեղակալ, գրասենյակի ղեկավար Լիպարիտ Դրմեյանն ու իրավական փորձագետ Իգոր Միրզախանյանը:

Հանդիպմանը մասնակցել են ԱԺ նախագահը, փոխնախագահը և պատգամավորներ:

բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2026 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը