«Տիրան Խաչատրյանը կոպիտ խախտումներով է ազատվել զբաղեցրած պաշտոնից». ըստ իրավաբանական ընկերության՝ նրա ազատման հրամանը կասեցվում է

«TK & Partners» իրավաբանական ընկերությունը ստանձնել է Հայաստանի ազգային հերոս, գեներալ-լեյտենանտ Տիրան Խաչատրյանի շահերի պաշտպանությունը:

Ընկերությունից հայտնում են, թե իրավական խնդիրների մանրակրկիտ ուսումնասիրման արդյունքում համոզվել են, որ հայոց բանակի բարձրաստիճան սպան Սահմանադրության ու օրենքների բազմաթիվ ու կոպիտ խախտումներով է ազատվել զբաղեցրած պաշտոնից:

Վարչական դատարանը հայցադիմումը վարույթ է ընդունել ու նախնական դատական նիստի օր նշանակել ապրիլի 29-ին՝ ժամը 11։00-ին: 

Մարտի 4-ին հայտնի դարձավ, որ ՀՀ Զինված ուժերի գլխավոր շտաբի պետի նախկին տեղակալ Տիրան Խաչատրյանը դիմել է վարչական դատարան՝ պահանջելով անվավեր ճանաչել ՀՀ նախագահի հրամանագիրը՝ իրեն պաշտոնից ազատելու վերաբերյալ:

Փետրվարի 24-ին Տիրան Խաչատրյանն ազատվեց Զինված ուժերի Գլխավոր շտաբի պետի առաջին տեղակալի պաշտոնից։