Հայաստան վերադարձած 5 հայ գերիներից 4-ը Գյումրիից են, 1-ը՝ Մասիսից

Րոպեներ առաջ «Էրեբունի» օդանավակայանում վայրէջք կատարեց Բաքվից հայ ռազմագերիերին տեղափոխող հերթական օդանավը: Այսօր ևս 5 գերեվարվածներ տուն վերադարձան, քիչ առաջ նրանց անունները հայտարարեցին:

Գալոյան Թաթուլ Սամվելի, Գյումրի
Գալստյան Արայիկ Հրաչյայի, Գյումրի
Իսրայելյան Հովհաննես Գևորգի, Գյումրի
Մովսիսյան Վահրամ Արայիկի, Գյումրի
Մանուկյան Կարեն Արայիկի, Մասիս

Ժամեր շարունակ տասնյակ քաղաքացիներ «Էրեբունի» օդանավակայանի տարածքում սպասում էին օդանավի վայրէջք կատարելուն՝ հույս հայտնելով, որ հենց իրենց հարազատները կլինեն վերադարձողների շարքերում: Հավաքվածները նշում էին, որ իրենց տեղեկություններով 20-ից ավելի գերեվարված է վերադառնալու, սակայն, ինչպես ավելի ուշ պարզ դարձավ, նրանց թիվը 5 է:

Աղբյուրը՝ 168.am