Խոնարհման և խնկարկման օր Պռոշյան համայնքի պանթեոնում․ Պետոյից մինչև Ալբերտ

Արցախյան ազատամարտում մարտիրոսված պռոշյանցի հերոսների՝ Պետոյից մինչև Ալբերտ, հիշատակին ոգեկոչման և մեծարման օր է նախաձեռնել «Արշակ Դաբաղյանի անվան Մայր Մանե» ՀԿ-ն՝ Պատանեկության ստեղծագործական կենտրոնի հետ մեկտեղ:

Միջոցառումը տեղի կունենա փետրվարի 5-ին՝ ժամը 13:00-ին, Պռոշյան համայնքի պանթեոնում:

Ողջույնի խոսքով հանդես կգա Մանուշակ Ստեփանյանը, այնուհետև ելույթ կունենան «Ֆիդայի» ՀԿ-ի նախագահ Սեյրան Չիլինգարյանը, զոհված զինվոր Նարեկ Մարգարյանի մայրը և այլք։ 

Նշենք, որ «Արշակ Դաբաղյանի անվան Մայր Մանե» կազմակերպությունը գործում է 2013 թվականից, գործունեություն է ծավալում բանակ-հասարակություն կապն ապահովող ծրագրերով։