Էրդողանի խոսնակը և Բայդենի խորհրդականը քննարկել են իրավիճակն Արցախում

Թուրքիայի նախագահի մամուլի խոսնակ Իբրահիմ Քալընը հեռախոսային բանակցություններ է վարել ԱՄՆ ազգային անվտանգության հարցերով խորհրդական Ջեյք Սալիվանի հետ. երեքշաբթի հաղորդել է Anadolu-ն:

Նշվում է, որ կողմերը քննարկել են ԱՄՆ-Թուրքիա հարաբերությունները, իրավիճակը Սիրիայում, Լիբիայում, Արևելյան Միջերկրական ծովում, Կիպրոսում, Աֆղանստանում, Արցախում, ինչպես նաև համաճարակի և կլիմայի փոփոխության դեմ պայքարը:

Քալընն ու Սալիվանը ցանկություն են հայտնել հաստատել ամուր, երկարաժամկետ և կառուցողական հարաբերություններ երկու երկրների միջև: Նրանք համաձայնության են եկել ՆԱՏՕ-ի ամրապնդման անհրաժեշտության, տարածաշրջանային և գլոբալ խաղաղությունն ու կայունությունն ամրապնդելու քայլերի հարցում: