Լինդսի Սնելը ևս մեկ ապացույց է հրապարակել Արցախում սիրիացի ահաբեկիչների ներգրավվածության վերաբերյալ

Մերձավոր Արևելքի հարցերով ամերիկացի լրագրող Լինդսի Սնելը, որը Թուրքիայում դատապարտվել էր հակաիշխանական գործունեության համար, Twitter-ի իր էջում հրապարակել է Աֆրինում գործող թուրքամետ «Սուլթան Մուրադ» ահաբեկչական բրիգադի հրամանատար Հոսամ Դիբիի լուսանկարը:

Նախքան Թուրքիայի աջակցությունը վայելող խմբակցությանը միանալը՝ նա «Ալ Քաիդա»-ի «Ջաբհաթ ան Նուսրա» խմբավորման անդամ էր. ասում է Սնելլը:

Հոսամ Դիբին Թուրքիայի կողմից Արցախ ուղարկված սիրիացի վարձկանների հրամանատարներից էր: Լրագրողի խոսքով՝ այս լուսանկարում նա պատերազմի ժամանակ Ղարաբաղում է: Սնելը խնդրում է արցախցիներին՝ հաստատել տեղեկատվությունը, եթե ճանաչեն տարածքը:

«Նկատի ունեցեք, որ Թուրքիան և Ադրբեջանը դեռ հերքում են սիրիացի վարձկանների ներգրավումը»,- գրում է Սնելը։