Թուրքիայում Ադրբեջանի հաղթանակի պատվին նվիրված հուշադրամներ են թողարկվել

Թուրքիայում Արցախյան երկրորդ՝ 44-օրյա պատերազմում Ադրբեջանի հաղթանակը խորհրդանշող հուշադրամներ են թողարկվել. հայտնում է xezerxeber.az կայքը։

Թուրքիայի Հանրապետության գանձապետարանի և ֆինանսների նախարարության տպարանում տպված արծաթե հուշադրամի վրա առկա է «Ղարաբաղը Ադրբեջան է» կարգախոսը, որը Ադրբեջանում լայն տարածում գտավ հատկապես Նիկոլ Փաշինյանի՝ «Արցախը Հայաստան է, և վերջ» հայտարարությունից հետո, Ադրբեջանի քարտեզը՝ ներառյալ՝ Արցախը, թշնամուն հանձնված Շուշիի ամրոցը և Աղդամի մզկիթը:

Մետաղադրամի հակառակ կողմում պատկերված է կովկասյան օֆրիս ծաղիկը, որը դարձել է թշնամու հաղթանակի խորհրդանիշը: Կովկասյան օֆրիս ծաղիկը ադրբեջաներեն կոչվում է խառը բյուլբյուլ (xarı bülbül): Xarı bülbül-ը հայկական Շուշի քաղաքում 1989-1991 թթ. անցկացված ամենամյա երաժշտական փառատոնի անվանումն է նաև։ Ծաղիկը լայն տարածում ունի Շուշիում ապրիլ–մայիս ամիսներին։

Հուշադրամի անվանական արժեքը 50 մանաթ է, իսկ ներկայումս դրա գինը Թուրքիայում 275 լիրա է: