Բրիտանիան շրջանառությունից կհանի հուշադրամներ՝ Brexit-ի ժամկետի հետաձգման պատճառով (լուսանկար)

Մեծ Բրիտանիայի թագավորական դրամահատարանը կվերամշակի հոկտեմբերի 31-ին Եվրամիությունից երկրի դուրս գալուն նվիրված՝ 50 փենսանոց հուշադրամները՝ Brexit-ի ժամկետը մինչև 2020թ.-ի հունվար հետաձգվելու պատճառով. հայտնում է BBC-ն:

Մետաղադրամի, որի դիզայնը հավանության է արժանացել Գաղտնի խորհրդի՝ Բրիտանիայի Էլիզաբեթ II թագուհու խորհրդականների մարմնի կողմից, դարձերեսին դաջված էր «Խաղաղություն, բարգավաճում և բարեկամություն բոլոր ժողովուրդների հետ» մակագրությունը, ինչպես նաև Brexit-ի օրը: Հոկտեմբերի 31-ը Եվրամիությունից թագավորության դուրս գալու ժամկետը երեք ամսով հետաձգվելու պատճառով այն այլևս վավերական չէ:

BBC-ի տվյալներով՝  մինչև հոկտեմբերի վերջը նախատեսվում էր ծրագրի շրջանակներում թողարկել 10 միլիոն նոր մետաղադրամ: