Բերման ենթարկվեցին ՀՅԴ «Նիկոլ Աղբալյան» ուսանողական միության ատենապետ Տարոն Ղազարյանը և մի շարք ընկերներ

Հենց նոր ոստիկանությունը բերման ենթարկեց ՀՅԴ «Նիկոլ Աղբալյան» ուսանողական միության ատենապետ Տարոն Ղազարյանին և մի շարք ընկերների: Այս մասին տեղեկանում ենք ՆԱՈՒՄ-ի պաշտոնական ֆեյսբուքյան էջից: Նրանց բերման են ենթարկել Ոստիկանության Երևան քաղաքի Մալաթիա-Սեբաստիայի բաժանմունք: 

Հիշեցնենք՝ Հայրենիքի փրկության շարժումն այսօր առավոտյան կառավարության շենքի առջև բողոքի ակցիա էր նախաձեռնել: Պահանջը նույնն էր՝ Փաշինյանի հրաժարականը և նոր, անցումային կառավարության ձևավորումը՝ Վազգեն Մանուկյանի գլխավորությամբ: 

Ակցիայի մասնակիցները կառավարության շենքի առջևից շարժվեցին դեպի Տիգրան Մեծի պողոտան և փակեցին այն, սակայն ոստիկանության մեծաթիվ ուժերի կողմից բերման ենթարկվեցին ակցիայի մի շարք մասնակիցներ: 

Նշենք նաև, որ բերման ենթարկված Տարոն Ղազարյանն ու ընկերները ՀՅԴ կամավորական վաշտերի կազմում պատերազմի գրեթե ողջ ընթացքում եղել են առաջնագծում՝ պաշտպանելով Արցախի հյուսիսային սահմանները: