Չինաստանը Հնդկաստանի հետ սահմանի երկայնքով ռազմական ճամբարներ է կառուցում. ԶԼՄ

Չինաստանն իր թիկունքային տարածքներում ռազմական ճամբարներ է կառուցում փաստացի վերահսկողության գծի ողջ երկայնքով, որը ծառայում է որպես Հնդկաստանի հետ նշված սահման: Այս մասին չորեքշաբթի հաղորդել է The Times of India-ն՝ վկայակոչելով Հնդկաստանի կառավարության աղբյուրները:

«Չինաստանի ժողովրդական ազատագրական բանակը ռազմական ճամբարներ է կառուցում սահմանի ողջ երկայնքով՝ ռազմական բախումների ընթացքում զորքերի մարտունակությունը բարձրացնելու համար: Մեր տեղեկություններով՝ 20 նման ճամբարներում շինարարական աշխատանքներ են ընթանում՝ Լադակխի արևելքում շարունակվող ռազմական լարվածության ֆոնին»,– նշել են աղբյուրները։

Հնդկական հետախուզության համաձայն՝ Չինաստանը հիմք է ստեղծել սահմանի անմիջական հարևանությամբ «երկիր-երկինք» հրթիռների համար, ռազմական անօդաչու թռչող սարքերի և ռազմական տրանսպորտային ինքնաթիռների լրացուցիչ ջոկատներ է տեղակայել Տիբեթի Քաշգարի, Խոտանի և Լհասայի օդանավակայաններում և շարունակում է նոր վայրեր կառուցել անձնակազմի  և ռազմատեխնիկական աջակցության թիկունքային կայանների համար:

Լադախի գոտում ներկայումս տեղակայված է 60,000 չինական զորք, ծանր հրետանի, հրթիռներ և տանկային գնդեր: Հնդկաստանն այս տարածաշրջանում տեղակայել է 50 հազարի հասնող երեք լեռնային ստորաբաժանում:

Նշենք, որ երկու երկրների միջև Լադակխում մայիս-հունիս ամիսներին տեղի ունեցած բախումների ընթացքում երկուստեք զոհվել էր մոտ 70 զինվորական։