Թուրքիան ավարտել է Իրանի սահմանի երկայնքով 81 կմ պարիսպի շինարարությունը

Թուրքիայի ՆԳ նախարար Սուլեյման Սոյլուն դեկտեմբերի 4-ին հայտարարել է, որ Թուրքիան ավարտել է 81 կմ անվտանգության պատի կառուցումը Իրանի հետ արևելյան սահմանի երկայնքով:

Սոյլուն լուրը տարածել է Twitter-ում՝ տեղադրելով պատի լուսանկարները, որը գտնվում է արևելյան Աղրը նահանգում:

Նա շեշտել է, որ պատը Թուրքիայի սահմանի անվտանգության ամրապնդման ջանքերի արդյունք է։

Թուրքիայի հետ 534 կմ սահմանը Իրանի հետ հաճախ խախտվում է մաքսանենգների, անօրինական ներգաղթյալների և Քրդական աշխատավորական կուսակցության ահաբեկիչների կողմից, սակայն ակնկալվում է, որ պատը կբարելավի սահմանի անվտանգությունը. նշում է Hurriyet-ը:

Հիշեցնենք, որ Թուրքիան 2018-ին ավարտել է 764 կմ երկաթբետոնե պատի կառուցումը Սիրիայի հետ սահմանի երկայնքով: