ՏԵՍԱՆՅՈւԹ. «Ալիևին 6 մլրդ դոլար եմ տալիս, թող հրաժարվի Արցախի 7 շրջաններից»․ հրապարակվել է Սերժ Սարգսյանի և Լուկաշենկոյի զրույցի ձայնագրությունը

Տելեգրամի «Բաղրամյան 26» ալիքը տարածել է ՀՀ նախկին նախագահ Սերժ Սարգսյանի և Բելառուսի նախագահ Ալեքսանդր Լուկաշենկոյի զրույցի ձայնագրությունը։ Զրուցակիցները խոսում են Արցախի հարցի մասին։

«Տուր նրան շրջանները (Ղարաբաղի), Ալիևը կվճարի, նա քեզ առաջին փուլի համար 5 մլրդ դոլար է խոստացել»,-ասում է Լուկաշենկոն։

«Ես նրան 6 մլրդ եմ տալիս, թող հրաժարվի 7 շրջաններից»,-արձագանքում է Սերժ Սարգսյանը։

Ի դեպ թեմայի վերաբերյալ քաղաքագետ Էդգար Էլբակյանը ֆեյսբուքյան գրառում է կատարել, որում մասնավորապես ասվում է․

«Ձայնագրությունն, ըստ ամենայնի, արվել է Երևանում՝ ՀԱՊԿ գագաթաժողովի ժամանակ (15.10.2016 թ.)։ Խորհուրդ եմ տալիս լսել մինչև վերջ։ Դեռ 2018 թ. դեկտեմբերին Ա. Լուկաշենկոն գաղտնազերծել էր, թե ինչպես է Սերժ Սարգսյանը հրաժարվել հանձնել ազատագրված տարածքները»։