Կարեն Գիլոյանը՝ ԿԳՄՍՆ փոխնախարա՞ր

Yerkir.am-ի տեղեկություններով՝ Ն. Փաշինյանն օրերս իր մոտ է հրավիրել սպորտային մեկնաբան Կարեն Գիլոյանին և առաջարկել նրան ԿԳՄՍ նախարարի՝ սպորտի գծով տեղակալի պաշտոնը: Ըստ տեղեկությունների՝ Փաշինյանը ոգևորվել է Կ. Գիլոյանի՝ ավելի վաղ ներկայացված ծրագրով և հրճվանքով առաջարկել է նրան այդ պաշտոնը:

Դեռևս պարզ չէ, թե ինչ է պատասխանել Կարեն Գիլոյանը կամ ինչպես է ընդունել Փաշինյանի առաջարկը: Ակնհայտ է, սակայն, որ այս օրերին Փաշինյանի կառավարություն մտնող ցանկացած ոք պաշտոնավարելու է թիթեռնիկի կյանքի տևողությունից ոչ ավելի:

Հետևաբար՝ չենք կարծում, որ Կարեն Գիլոյանը, լինելով պատվախնդիր և արժանիքներ ունեցող անձնավորություն, կգնա նման արկածախնդրության և մաս կկազմի հոգևարքի մեջ գտնվող, իրեն խայտառակած ու բազմաթիվ դավաճանություններով աչքի ընկած Փաշինյանի կառավարությանը: