Թուրքիան խարխլում է ՆԱՏՕ-ի միասնությունը. Պոմպեո

ԱՄՆ պետքարտուղար Մայք Պոմպեոն ՆԱՏՕ-ի արտգործնախարարների հանդիպման ժամանակ հայտարարել է, որ Թուրքիան դեմ է Հյուսիսատլանտյան դաշինքի սկզբունքներին և գործունեությանը՝ դրանով իսկ խաթարելով նրա միասնությունը:

«ԱՄՆ պետքարտուղար Մայք Պոմպեոն դաշինքի արտգործնախարարների հանդիպման ժամանակ շեշտել է, որ Թուրքիան դեմ է Հյուսիսատլանտյան դաշինքի սկզբունքներին և գործունեությանը, դրանով իսկ խաթարում է նրա միասնությունը. ասում են դիվանագիտական աղբյուրները: Մասնավորապես, ըստ նրանց, Պոմպեոն մատնանշել է Թուրքիայի սադրիչ գործողությունները Արևելյան Միջերկրական ծովում, Լիբիայում, Սիրիայում և Լեռնային Ղարաբաղում»,- հունական աղբյուրներին է մեջբերում ՏԱՍՍ-ը:

Միևնույն ժամանակ, վկայակոչելով Հունաստանի և Թուրքիայի հարաբերությունները, «ըստ նույն դիվանագիտական աղբյուրների, Պոմպեոն շեշտել է, որ պետք է վերագործարկվի դեէսկալացիայի մեխանիզմը, որը չի գործում Թուրքիայի մեղքով»: