Եվս 475 բնակիչ վերադարձել է Ստեփանակերտ՝ ռուս խաղաղապահների ուղեկցությամբ

Ռուս խաղաղապահներն ուղեկցել են Երևանից Ստեփանակերտ վերադարձող փախստականներով երկրորդ շարասյունը. 475 բնակիչ վերադարձել է քաղաք: Այս մասին երկուշաբթի հաղորդել է Ռուսաստանի պաշտպանության նախարարությունը:

«2020 թվականի նոյեմբերի 15-ին ռուս խաղաղապահները ուղեկցել են Ստեփանակերտ վերադարձող փախստականներով ավտոբուսների երկրորդ շարասյունը: 475 մարդ 19 ավտոբուսից բաղկացած շարասյունով վերադարձել է Ստեփանակերտ: Շարասյունն անցել է Երևան-Ստեփանակերտ երթուղով՝ Ռուսաստանի խաղաղապահ զորքերի և ռազմական ոստիկանության ուղեկցությամբ»,- հայտնել է Ռուսաստանի ռազմական գերատեսչությունը:

Ռուսաստանի Դաշնության նախագահ Վլադիմիր Պուտինի հրամանագրով ստեղծված Միջգերատեսչական մարդասիրական արձագանքման կենտրոնը ապահովել է խաղաղ բնակիչների վերադարձի և տեղափոխման անվտանգությունը իրենց տներ:

Շաբաթ օրը 9 ավտոբուսով Ստեփանակերտ էր տեղափոխվել 250 փախստական: