Արցախի նախագահը մտքեր է փոխանակել և լսել քաղաքական ուժերի կարծիքները. Վահրամ Պողոսյան

Երեկ Արցախի Հանրապետության նախագահ Արայիկ Հարությունյանը հանդիպել է երկրի Ազգային ժողովի խմբակցությունների հետ:

Քննարկվել է ստեղծված իրավիճակը և դրանից բխող հնարավոր քաղաքական որոշումների կայացման հետ կապված հարցեր:

Թե ինչ հնարավոր քաղաքական որոշումների մասին կարող է խոսք լինել, Արցախի նախագահի խոսնակ Վահրամ Պողոսյանը 168.am-ի հետ զրույցում նշեց, որ Արցախի իշխանությունները շարունակում են մնալ հակամարտության բացառապես խաղաղ կարգավորման կողմնակից:

Մեր հարցին՝ արդյոք եղե՞լ է կոնկրետ տեքստ, առաջարկ, որի մասին բարձրաձայնվել է, և որի հետ համաձայնվողներ կամ չհամաձայնվողներ են եղել, Վահրամ Պողոսյանը պատասխանեց՝ ոչ:

168.am-ը երեկվանից փորձեց հանդիպման հետ կապված մեկնաբանություն ստանալ նաև «Հայ հեղափոխական Դաշնակցություն» խմբակցության ղեկավար Արթուր Մոսիյանից, որը ներկա է եղել Արցախի նախագահ Արայիկ Հարությունյանի հետ հանդիպմանը, բայց մեզ դա չհաջողվեց՝ Մոսիյանի զբաղված կամ խորհրդակցության լինելու պատճառով:

Արցախի «Արդարություն» խմբակցության ղեկավար Դավիթ Գալստյանն էլ ասաց, որ նախաձեռնությունը նախագահականինն է եղել, ուստի ճիշտ կլինի, որ այն նախ՝ մեկնաբանի Արցախի նախագահի խոսնակը, որի հրապարակայնացումից հետո էլ իրենք իրենց դիրքորոշումը կհայտնեն:

«Իրենց մեկնաբանությունը հենց հրապարակային լինի, ես կխոսեմ մեր դիրքորոշման մասին»,- նշե