Նյու Յորքը՝ Թրամփի դեմ. ցույցեր եւ բախումներ ոստիկանության հետ

Black Lives Matter շարժման ներկայացուցիչները ցույցի են դուրս եկել Նյու Յորքի Մանհեթենում: Ցուցարարների շարասյանն ուղեկցել են ոստիկանությունը եւ մամուլի՝ հսկայական թվով աշխատակիցներ:

Բախումներից խուսափել հնարավոր չի եղել: Երթի մասնակիցներից մեկի մոտ հայտնաբերվել ու առգրավվել են շղթա եւ երկաթե ձող: Ակտիվիստը ձերբակալվել է: Ոստիկանները, որոնք ուղեկցել են բազմությանը, մեկնաբանություններ չեն տալիս այս միջադեպի առնչությամբ:

Բողոքի մասնակիցների թվում կան սադրիչներ, որոնք վիրավորում են ոստիկանությանը: Դրա հետ մեկտեղ նրանք հայտարարում են, որ կարգի պահապանները աշխատում են մարմնին ամրացված խցիկներով, որոնք անջատված են, ինչը նահանգի օրենսդրության խախտում Է:

Այնուամենայնիվ, բազմությունը հասել է «Յունիոն» զբոսապուրակի մոտ:

Ցույցերը, որոնք սկզբում խաղաղ էին, վերաճել են հակամարտության, երբ, ականատեսների խոսքով, ոստիկաններից մեկը խնդրել է ցուցարարի չնկարահանել հեռախոսով եւ սարքը մի կողմ հրել: Բողոքողը հեռախոսով իբր հարվածել է ոստիկանին: Իրադրությունը կտրուկ սրվել է, եւ տեղում իրավապահների լրացուցիչ ստորաբաժանումներ են կենտրոնացվել, սկսվել են բախումներ ու ձերբակալություններ: