Էրդողանը քրեական հետապնդում է պահանջել իրականացնել հոլանդացի հայտնի քաղաքական գործչի նկատմամբ

Թուրքիայի նախագահ Ռեջեփ Թայիփ Էրդողանը երեքշաբթի դիմել է հանրապետության գլխավոր դատախազություն՝ բողոքելով Հոլանդիայի ծայրահեղ աջ «Ազատություն» կուսակցության առաջնորդ Հերտ Վիլդերսի գործողություններից. հայտնում է Anadolu գործակալությունը:

Ավելի վաղ Վիլդերսը Twitter-ում տեղադրել էր Թուրքիայի նախագահի ծաղրանկարով գրառում՝ նրան ահաբեկիչ անվանելով:

Ըստ գործակալության՝ Թուրքիայի նախագահի փաստաբաններից մեկի՝ Հուսեյն Այդընի կողմից դատախազություն ներկայացված բողոքում ասվում է, որ Վիլդերսի՝ սոցիալական ցանցերում տարածած ծաղրանկարը ոչ մի կապ չունի խոսքի ազատության հայեցակարգի հետ: Էրդողանը պահանջել է քրեական գործ հարուցել հոլանդացի քաղաքական գործչի նկատմամբ՝ «Թուրքիայի նախագահի պատվի ու արժանապատվության դեմ ոտնձգության» հոդվածով: