Հայտնի են Գ. Հաջյանի և Ք. Արթինի հոգեհանգստյան արարողության վայրն ու ժամը

ՀՅԴ Հայաստանի Գերագույն մարմինը տեղեկացնում է, որ ՀՅԴ գումարտակի 2-րդ վաշտի կամավորներ Գևորգ Հաջյանի և Քրիստափոր Արթինի հոգեհանգստյան արարողությունը տեղի կունենա հոկտեմբերի 14-ին, ժամը 18:00-ից՝ Երևանի Սուրբ Հովհաննես եկեղեցում:

Գևորգ Հաջյանի հուղարկավորությունը տեղի կունենա հաջորդ օրը՝ հոկտեմբերի 15-ին, ժամը 13:00-ին՝ Պռոշյան գյուղի Զորաց պանթեոնում: Քրիստափոր Արթինի հուղարկավորությունը տեղի կունենա հոկտեմբերի 15-ին, ժամը 15:00-ին՝ Եռաբլուրում։

Հիշեցնենք՝ ՀՅԴ Հայաստանի Գերագույն մարմինը խորը ցավով գուժել էր դաշնակցական ընկերներ, ՀՅԴ կամավորական 2-րդ վաշտի հրամանատար Մհեր Հարությունյանի, նույն վաշտի ազատամարտիկներ Գևորգ Հաջյանի և Քրիստափոր Արթինի մահը: Նրանք հերոսաբար ընկան հոկտեմբերի 6-ին՝ Արցախում, ռազմավարական կարևորագույն նշանակության բարձունքի ազատագրման համար մղված ծանր մարտում՝ ջախջախիչ հակահարված տալով թշնամուն:

Տես նաև՝ Ինքնաճանաչողությունն Աստծո ներկայությունը քո մեջ զգալու կարողությունն է. Գևորգ Հաճյան