Ժիրինովսկին պատվաստվել է COVID-19-ի դեմ

ՌԴ Պետդումայի Լիբերալ-դեմոկրատական խմբակցության ղեկավար Վլադիմիր Ժիրինովսկին պատվաստվել է ամբողջ աշխարհում մեծ տարածում գտած COVID-19 կորոնավիրուսային վարակի դեմ։ Այս մասին հայտնում է «Известия»-ն՝ վկայակոչելով կուսակցության մամուլի ծառայության հաղորդագրությունը:

Քաղաքական գործիչն այս հիվանդության դեմ առաջին պատվաստվողներից է։ Նա կամավոր մասնակցել է կորոնավիրուսի դեմ աշխարհում առաջին՝ «Սպուտնիկ V» պատվաստանյութի կլինիկական փորձարկումներին։ Պատվաստանյութը մշակել են Գամալեայի անվան կենտրոնի մասնագետները։

Պատվաստումը կատարվում է երկու փուլով։ Երկրորդ ներարկումը կկատարվի 3 շաբաթ անց: Ներարկումից հետո բժիշկները կես տարի կհետևեն նրա առողջական վիճակին։