ԱՀԿ-ն կոչ է արել հավասար բաշխել COVID-19 պատվաստանյութը

Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրիեսուսը նշել է, որ կորոնավիրուսային պատվաստանյութը պետք է հավասարաչափ բաշխվի երկրների միջև, և կոչ է արել խուսափել ազգայնականությունից այս հարցում: Հաղորդում է The Hill-ը:

«Մենք պետք է կանխենք պատվաստանյութի վերաբերյալ ազգայնականությունը: Իրականում ռազմավարական և գլոբալ տեսանկյունից յուրաքանչյուր երկրի շահերից է բխում կիսել անվերջ պահուստը: Ոչ-ոք ապահով չի լինի, քանի դեռ բոլորը ապահով չեն», - ասել է Գեբրիեսոսը:

Նա հավելել է, որ ԱՀԿ-ն աշխատում է պատվաստանյութի հավասարաչափ բաշխման ծրագրի վրա, եթե ապացուցվի պատվաստանյութի՝ արդյունավետ և անվտանգ լինելը: