Իրանը զենքի էմբարգոյի վերաբերյալ բանաձևի նախագիծն անվանում է սպառնալիք ՄԱԿ-ի Անվտանգության Խորհրդի դեմ

Թեհրանի դեմ սպառազինության էմբարգոյի վերաբերյալ ԱՄՆ բանաձևի նախագիծը սպառնալիք է ներկայացնում ՄԱԿ-ի Անվտանգության Խորհրդին. հայտարարել է Իրանի արտգործնախարարության խոսնակ Աբբաս Մուսավին:

Ավելի վաղ ԱՄՆ պետքարտուղար Մայք Պոմպեոն հայտարարել էր, որ Միացյալ Նահանգները պատրաստել է ՄԱԿ-ի Անվտանգության խորհրդի բանաձևի նախագիծ՝ Իրանի դեմ զենքի էմբարգոյի երկարաձգման համար. փաստաթուղթը նախատեսվում է քննարկել շուտով:

«Այս նախագիծը ավելի շատ սպառնալիք է ՄԱԿ-ի Անվտանգության Խորհրդի մեխանիզմների և ոչ թե Իրանի համար: Օգտագործելով Անվտանգության խորհուրդը որպես գործիք, Միացյալ Նահանգները ցանկանում է այն թուլացնել, լուծարել կամ ենթարկել: Անհրաժեշտ է ուշադրություն», - նշել է Մուսավին։