Համացանցում է հայտնվել Դոնալդ Թրամփի մասին «Կոմիի կանոնները» սերիալի թիզերը

YouTube-ում տեղադրել են The Comey rule (Կոմիի կանոնները) մինի-սերիալի թիզերը, որում ԱՄՆ նախագահ Դոնալդ Թրամփի դերը կատարում է Բրենդան Գլիսոնը, ով հայտնի է «Հարրի Փոթեր» ֆիլմերում մասնակցությամբ։ Այդ մասին փոխանցում է RadioTimes-ը։

Սերիալը հիմնված է Հետաքննությունների դաշնային բյուրոյի նախկին տնօրեն Ջեյմս Կոմիի A higher loyalty գրքի վրա, որը լույս է տեսել 2018 թվականին։ Գիրքը տպագրվել է այն բանից հետո, երբ Թրամփը 2017 թվականին հեռացրել է Կոմիին՝ Հիլարի Քլինթոնի էլեկտրոնային նամակների հետաքննության գործի հետ կապված սկանդալի պատճառով։ 

RadioTimes-ի տեղեկություններով, սերիալում գործողությունները ծավալվում են ԱՄՆ նախագահական ընտրությունների շուրջ, որոնք տեղի են ունեցել 2016 թվականին։ 

Բրենդան Գլիսոնի հետ նախագծում նկարահանվել են նաև Ջեֆֆ Դենիելսը, Քինգսլի Բեն-Ադիրը, Ունա Չապլինը և այլք։ 

Սերիալի պրեմիերան տեղի կունենա սեպտեմբերի 27-ին՝ Showtime-ով։