ԱՄՆ մի շարք համալսարաններ հեռավար ուսուցման ֆոնին նվազեցրել են ուսումնական վճարները

Ամերիկյան համալսարանները, որոնք առաջարկել են ուսանողներին անցում կատարել հեռավար ուսուցման, հայտնել են հանրության և ուսանողների կողմից ճնշման մասին, որոնք պահանջում են ուսվճարների նվազեցում. այս մասին գրում է Financial Times-ը, նշելով՝ արդյունքում Ջորջթաունի համալսարանի հեռավար ուսուցման վճարը 10 տոկոսով պակասեցվել է տարեկան 58 հազար դոլարից, ինչը հնարավոր է եղել մոտ 2000 ուսանողների միջնորդագրի շնորհիվ։

Նշվում է՝ 10 տոկոս զեղչի մասին են հայտնել նաև Փրինսթոնի համալսարանը, Մասսաչուսեթսում գտնվող Ուիլյամսի քոլեջը։

Միևնույն ժամանակ, Հարվարդի համալսարանը բացառել է ուսման վճարի նվազեցման ցանկացած հնարավորություն, իսկ Յեյլի համալսարանը բարձրացրել է վճարը՝ 55․5 հազարից դարձնելով 57․7 հազար դոլար։