Պորոշենկոն Ուկրաինայում «արյունոտ» հեղաշրջում է նախապատրաստում. Ռադա

«Ընդդիմադիր հարթակ. Հանուն կյանքի» կուսակցության անդամ, Գերագույն Ռադայի պատգամավոր Իլյա Կիվան հայտարարություն է տարածել, ըստ որի՝ երկրի նախկին նախագահ Պետրո Պորոշենկոն «արյունոտ» հեղաշրջում է նախապատրաստում. այս մասին հայտնում է ՌԻԱ «Նովոստին»:

Ըստ Կիվայի՝ ենթադրյալ հեղաշրջումը նախապատրաստվում է ազգայնականների հետ համատեղ: Կիվան նաև ասել է, որ հեղաշրջումը «վերջ կդնի պետության ներկայիս ղեկավար Վլադիմիր Զելենսկիի նախագահությանը»:

«Այսօր ձևավորվում է այն պատմությունը, որն աշնանը Ուկրաինային արյուն և պետականություն կարժենա», – մանրամասնել է նա ու հավելել՝ Պորոշենկոյի նախընտրական շտաբը ղեկավարում է ԱԱՊԽ նախկին քարտուղար Ալեքսանդր Տուրչինովը, մարդ, ով «կարողանում է հեղաշրջումներ անել»: