Վրաստանում ցուցարարները պահանջել են բացել Թուրքիայի հետ սահմանը

Հուլիսի 1-ին Վրաստանի բնակիչները բողոքի ցույց էին անցկացրել՝ պահանջելով բացել սահմանը Թուրքիայի հետ, որպեսզի նրանք կարողանան գնալ աշխատանքի. այդ մասին հայտնում է վրացական «Հանրային հեռուստատեսությունը»:

Լրագրողների խոսքով՝ մեծ թվով մարդիկ հավաքվել են Թուրքիայի հետ սահմանին՝ Սարփիի անցակետի մոտ: Բողոքի ակցիայի մասնակիցները նշել են, որ վնասի համար խոստացված փոխհատուցումը 300 լարիի չափով (100 դոլարից ցածր) նրանց չի գոհացնում և պահանջում են, որ հնարավորություն ընձեռվի արտերկրում աշխատելու համար:

Հիշեցնենք, որ վրաց-թուրքական սահմանը փակվել է մարտի 15-ից՝ կորոնավիրուսի տարածումը կանխելու համար: Ամսաթիվը, թե երբ այն կարող է բացվել, չի նշվում:

Ավելի վաղ, Վրաստանի մինչև 10 հազար բնակիչներ մեկնում էին Թուրքիա՝ թեյի տնկարկների վրա աշխատելու: