Սպանություն Վարդենիսում. 25-ամյա երիտասարդը մահացել է հրազենային վնասվաքներից

Երեկ` հունիսի 27-ին, սպանություն է տեղի ունեցել Վարդենիսում: Այս մասին Yerkir.am-ին հայտնում են ՀՀ Ոստիկանության լրատվական վարչությունից:

Հունիսի 28-ին ժ.00.05-ին Գեղարքունիքի մարզի կայազորային հոսպիտալից հաղորդում է ստացվել, «հրազենային վիրավորում» ախտորոշմամբ իրենց մոտ է տեղափոխվել 1995 թ.ծնված քաղաքացի:

Պարզվել է, որ հունիսի 27-ին ժ.23.35-ի սահմաններում անհայտ անձն ինքնաձիգից կրակոցներ է արձակել նրա ուղղությամբ՝ մարմնի տարբեր մասերում պատճառելով հրազենային վնասվածքներ:

Դեպքի վայրում հայտնաբերվել են ինքնաձիգի կրակված պարկուճներ:

Ստացած մարմնական վնասվածքներից, նույն օրը ժ. 04.00-ի սահմաններում, վերակենդանացման բաժանմունքում գիտակցության չգալով մահացել է:

Նշանակվել են փորձաքննություններ:

Կատարվում է քննություն։