Թուրքիայում մեքենայի պայթյունի հետևանքով զոհվել է չորս մարդ

Թուրքիայի հարավ-արևելքում գտնվող Շըրնաք նահանգում 4 աշխատող է զոհվել ավտոմեքենայի պայթյունից. հայտնում են նահանգի վարչակազմից՝ մեղադրելով «Քուրդիստանի աշխատավորական կուսակցության» անդամներին։

«Հունիսի 17-ին Շըրնաքը նահանգի Սիլոփի շրջանում ճանապարհային աշխատանքների ժամանակ պայթեցվել է մեքենա, որի հետևանքով չորս աշխատող է զոհվել», - ասվում է հայտարարության մեջ:

Ըստ թուրքական կողմի տվյալների՝ 2015-ի հուլիսին Թուրքիայի և ՔԱԿ-ի միջև զինված բախումը վերսկսվելուց հետո քուրդ ապստամբների կողմից հարձակումների արդյունքում սպանվել է մոտ 1000 զինծառայող և ոստիկան, ինչպես նաև մոտ 500 քաղաքացիական անձ: PKK- ի բազաները տեղակայված են Հյուսիսային Իրաքում, որի դեմ Թուրքիայի զինված ուժերը իրականացնում են օդային և ցամաքային գործողություններ՝ հինգ տարվա ընթացքում վնասազերծելով ավելի քան 10,000 PKK- ի անդամներին: