Հյուսիսային Կորեայի առաջնորդը դարձյալ անհետացել է

Մեկ շաբաթից ավելի է, ինչ Հյուսիսային Կորեայի առաջնորդ Կիմ Չեն Ընը չի երևում հանրայությանը: Կորեացի բռնապետի «անհետացումը» նկատել է Yonhap լրատվական գործակալությունը:

Ընը վերջին անգամ հանրության շրջանում հայտնվել է հունիսի 7-ին. նա մասնակցել է Կորեայի Աշխատավորական կուսակցության Կենտրոնական կոմիտեի Քաղաքական խորհրդի նիստին: Դրանից հետո ոչ ոք նրան չի տեսել: Միևնույն ժամանակ, գրեթե ամեն օր հայտարարություններով է հանդես գալիս Հյուսիսային Կորեայի առաջնորդի քույրը Կիմ Է Չժոնը: Ըստ նրա՝ նա «իրականացնում է գերագույն առաջնորդի կողմից լիազորված իշխանություն». հայտնում են լրատվամիջոցները:

Հրապարակման համաձայն, ԿԺԴՀ ղեկավարն, իբր, միտումնավոր հեռացել է Փհենյանի և Սեուլի միջև ստեղծված լարված իրավիճակից. հունիսի 16-ին ԿԺԴՀ-ն պայթեցրել է միջկորեական հաղորդակցական կենտրոնը սահմանամերձ Քեսոն քաղաքում, բացի այդ, Հյուսիսային Կորեայի իշխանությունները պատրաստվել են զորքեր ուղարկելու Հարավային Կորեայի հետ սահմանին գտնվող ապառազմականացված գոտի: