Իսրայելական ԱԹՍ-ները և տանկերը հարվածներ են հասցրել Գազայի ուղղությամբ

Իսրայելական տանկերը և անօդաչու թռչող սարքը մի շարք հարվածներ են հասցրել Գազայի հատվածում գտնվող «ՀԱՄԱՍ»-ի օբյեկտների վրա այնտեղից հրթիռ արձակելուց հետո՝ դեպի Իսրայելի տարածք. հայտնում է Իսրայելի Պաշտպանության բանակի մամուլի ծառայությունը:

Մամլո ծառայությունը պնդում է, որ հարձակումներն իրականացվել են զորամասերի և ՀԱՄԱՍ-ի ստորգետնյա կառույցի վրա:

«Այդ օրն ավելի վաղ Գազայից հրթիռ էր արձակվել Իսրայելի տարածք: Ի պատասխան՝ Իսրայելի Պաշտպանության ուժերի ինքնաթիռները հարվածել են ՀԱՄԱՍ-ի օբյեկտներին՝ Գազայի հարավում: Բացի այդ, տանկերը հարվածել են ՀԱՄԱՍ-ի ռազմական դիրքերին», - ասվում է հաղորդագրության մեջ: