Երկրորդ նախագահի տեսակցությունները և հեռախոսազանգերը չսահմանափակելու մասին հայցը դատարանը վարույթ չի ընդունել

ՀՀ վարչական դատարանը, դատավոր Արծրուն Միրզոյանի նախագահությամբ, հունիսի 9-ին մերժել է վարույթ ընդունել ՀՀ երկրորդ նախագահ Ռոբերտ Քոչարյանի հայցը՝ ընդդեմ ԱՆ քրեակատարողական ծառայության: Այս մասին տեղեկանում ենք ԴԱՏԱԼԵՔՍ դատական-տեղեկատվական համակարգից։

Ռոբերտ Քոչարյանը պահանջում էր չսահմանափակել իր տեսակցությունները և հեռախոսային խոսակցությունները։

Նշենք՝ դատարանը հայցը վարույթ չի ընդունել այն պատճառաբանությամբ, որ տեսակությունների և հեռախոսային խոսակցությունների վրա արգելք դնելու որոշումների օրինականության նկատմամբ վերահսկողությունը ենթակա է իրականացման ոչ թե վարչական, այլ քրեադատավարական կարգով: