Կրեմլն արձագանքել է ԱՄՆ-ի նոր հակառուսական պատժամիջոցների սպառնալիքին

Կրեմլը հետրևում է Ռուսաստանի դեմ ԱՄՆ-ի նոր պատժամիջոցների սպառնալիքների մասին հաղորդագրություններին և սահմանափակումներն անօրինական է համարում այս մասին հայտարարել է Կրեմլի պաշտոնական խոսնակ Դմիտրի Պեսկովը՝ արձագանքելով ԶԼՄ-ների այն տեղեկություններին, ըստ որի ԱՄՆ-ն ՌԴ-ի դեմ պատժամիջոցների նոր փաթեթ է պատրաստում:

Նա նշեց, որ Միացյալ Նահանգներում ընտրությունների քարոզարշավը զարգանալուն պես, Ռուսաստանը դառնում է ամերիկացի քաղաքական գործիչների համար «սուրբ զոհաբերություն, որը պետք է արվի, եթե ցանկանում ես որևէ հաջողությունների հասնել ընտրական գործերում»:

ԱՄՆ Կոնգրեսի Ներկայացուցիչների պալատի հանրապետականները նախօրեին առաջարկել են Ռուսաստանի դեմ կիրառել խիստ պատժամիջոցներ և այն ճանաչել որպես «ահաբեկչության հովանավոր պետություն»: Մասնավորապես առաջարկվում է սահմանել հետագա սահմանափակումներ Ռուսաստանի նավթագազային նախագծերի և այլ երկրներում բնակվող «անհատների վրա, ովքեր կառավարվում են Կրեմլի կողմից»:

Բացի այդ, հունիսի 10-ին Եվրամիությունը ևս մեկ տարով երկարացրել է Ռուսաստանի դեմ պատժամիջոցները: