ԱՄՆ գլխավոր դատախազը հաստատել է, որ Թրամփին առաջարկել են ցույցերի ժամանակ թաքնվել բունկերում

ԱՄՆ արդարադատության նախարար և գլխավոր դատախազ Ուիլյամ Բարը հաստատել է ԶԼՄ-ների այն տեղեկությունները, որ Սպիտակ տան մոտ բողոքի ցույցերի ժամանակ ԱՄՆ գաղտնի ծառայության պաշտոնյաները առաջարկել են նախագահ Դոնալդ Թրամփին պատսպարվել ստորգետնյա բունկերում. այս մասին հայտնում է Fox News-ը:

Նա, մասնավորապես, նշել է.

«Ամեն ինչ այնքան վատ էր, որ ԱՄՆ գաղտնի ծառայությունը խորհուրդ տվեց նախագահին բունկեր իջնել: Մենք երկրում չենք կարող նման բան թույլ տալ», ու հավելել՝  Դոնալդ Թրամփն, իր հերթին, չի համաձայնել իր գործակալների առաջարկին։

Հիշեցնենք, որ մայիսի 25-ին Մինեապոլիսի ոստիկանները ձերբակալել էին աֆրոամերիկացի Ջորջ Ֆլոյդին։ Ձերբակալելու պահին ոստիկանը տղամարդուն պառկեցրել է գետնին ու ծնկով սեղմել է նրա վզին։ Անտեսելով տղամարդու շնչել չկարողանալու մասին փաստը՝ ոստիկանը հրաժարվել է նրան բաց թողնել, ինչի հետևանքով Ֆլոյդը մահացել է: Այս ամենից հետո ԱՄՆ-ում բողոքի զանգվածային ցույցեր սկսվեցին։