Չինաստանն ապագա գերտերություն է. Գերմանիայի ԱԳՆ

Գերմանիայի արտգործնախարար Հայկո Մաասը Չինաստանն անվանել է ապագա գերտերություն և կոչ է արել ԵՄ-ին Չինաստանի հետ հարաբերություններում ստեղծել միասնական ռազմավարություն:

«Չինաստանն ապագա գերտերություն է, Չինաստանը՝ Գերմանիայի ամենամեծ առևտրային գործընկերն է: Մենք չպետք է սահմանափակենք Պեկինի հետ երկխոսությունը միայն տնտեսական և առևտրային հիմնահարցերի շուրջ, մեզ պետք է միասնական եվրոպական ռազմավարություն՝ մեր ազատ արժեքները պաշտպանելու համար », - մեջբերում է ՏԱՍՍ գործակալությունը:

Չինաստանի դեմ առաջադրված մեղադրանքների քննարկման ժամանակ`կապված նոր տեսակի կորոնավիրուսի ծագմանը, Մաասը հիշեցրել է, որ շատ երկրներ սխալներ են թույլ տվել վիրուսի դեմ պայքարում հիվանդության տարածման առաջին շաբաթներին:

«Իհարկե, մեզ անհրաժեշտ է լիարժեք թափանցիկություն, որպեսզի կարողանանք պարզել վիրուսի ծագումը: Վստահ եմ, որ ի վերջո դա բխում է նաև Չինաստանի շահերից», - նշել է գերմանացի նախարարը:

Գերմանիայի արտգործնախարարը հավելել է, որ սեպտեմբերին նախատեսված ԵՄ-Չինաստան գագաթնաժողովի հետաձգումը կապված է բացառապես համաճարակի հետ: Ըստ Մաասի, արդյունքներին կարելի է հասնել միայն անձնական տեսակցության միջոցով, և այս կապակցությամբ նա հույս է հայտնել, որ գագաթնաժողովը տեղի կունենա մինչև տարեվերջ: