Ռումինիայի վարչապետը տուգանվել է. պատճառը՝ դիմակը հանելն է

Ռումինիայի վարչապետ Լյուդովիկ Օրբանը ստիպված կլինի տուգանք վճարել՝ հակահամաճարակային սահմանափակումները խախտելու համար. այս մասին գրում է Euractiv-ը, նշելով՝ տուգանքի չափը կազմում է 617 եվրո։

Համացանցում հայտնվել է լուսանկար, որտեղ պաշտոնյան այլ նախարարների հետ կաբինետում նստած է առանց դիմակի, բացի այդ՝ ծխում է, իսկ պաշտպանիչ միջոցները սեղանի վրա են։

Նշվում է՝ կառավարության ղեկավարը համաձայնել է՝ եթե օրենք է խախտվել, պետք է լինի նաև պատիժ։ Միևնույն ժամանակ նա խոստովանել է նաև, որ կառավարության մի քանի անդամներ իր կաբինետում էին հավաքվել մայիսի 25-ին՝ տևական աշխատանքային օրվանից հետո, իր ծննդյան 57-ամյակի օրը։

Հիշեցնենք՝ մինչ օրս երկրում հաստատվել է կորոնավիրուսի 19.133 դեպք, մահացել է 1253 մարդ։

Լուսանկարը՝ ստորև.