Ուհանում ապրիլի 1-ից առաջին անգամ առանց ախտանիշների կորոնավիրուսային հիվանդության ոչ մի դեպք չի հայտնաբերվել

Չինաստանի Ուհան քաղաքում ապրիլի 1-ից առաջին անգամ  առանց ախտանիշների կորոնավիրուսային հիվանդության ոչ մի դեպք չի հայտնաբերվել. այս մասին գրում է ՏԱՍՍ-ը՝ քաղաքի առողջապահության եւ հիգիենայի հարցերով կոմիտեին հղումով։

«Մայիսի 31-ին Ուհանի մոտ 60 000 բնակիչ նուկլեինաթթվի թեստավորում է անցել, որի արդյունքում առանց ախտանիշների կորոնավիրուսային հիվանդության ոչ մի դեպք չի հայտնաբերվել»,-ասվում է հայտարարության մեջ: 

Հիշեցնենք՝ մայիսի 15-ից 24-ը քաղաքի իշխանությունները քաղաքի բնակչության զանգվածային թեստավորում են կազմակերպել: Այդ ընթացքում 6,5 մլն բնակչից 9 մլն նմուշ է վերցվել: Թեստավորման ընթացքում հայտնաբերվել է առանց ախտանիշների կորոնավիրուսային հիվանդության 218 դեպք: