ԱՀԿ-ն առաքելություն կուղարկի Չինաստան՝ կորոնավիրուսի ծագումն ուսումնասիրելու նպատակով

Առողջապահության համաշխարհային կազմակերպությունը (ԱՀԿ) կորոնավիրուսի ծագումն ուսումնասիրելու նպատակով առաքելություն կուղարկի Չինաստան. այս մասին գրում է CNBC-ն, նշելով՝ համաձայն ԱՀԿ առողջապահության ոլորտի արտակարգ իրավիճակների ծրագրի տնօրեն Մայքլ Ռայանի, այցի ժամկետները դեռ որոշված չեն:

Ճեպազրույցի ընթացքում նա ասել է, որ հարցը դեռ քննարկման փուլում է չինացի գործընկերների հետ. «Հաճելի է նշել Չինաստանի արձագանքը, որ երկիրը բաց է նման մոտեցման համար»,- ընդգծել է փորձագետը:

Միևնույն ժամանակ ԱՀԿ փորձագետ Մարիա վան Քերքհովան հստակեցրել է, որ ներկայումս գիտնականների համար հիմնական խնդիրներից մեկը վարակի «միջանկյալ փոխանցողի հայտնաբերումն է»: