Հրայր Թովմասյանը Վենետիկի հանձնաժողովի հիմնադրման 30-ամյակի առթիվ շնորհավորել է Ջիանի Բուքիքիոյին

ՀՀ Սահմանադրական դատարանի նախագահը շնորհավորել է Վենետիկի հանձնաժողովի հիմնադրման 30-ամյակի առթիվ: Այս մասին Yerkir.am-ին հայտնում են ՍԴ լրատվական վարչությունից:

ՍԴ նախագահ պարոն Հրայր Թովմասյանը Վենետիկի հանձնաժողովի հիմնադրման երեսունամյակի առթիվ շնորհավորել է հանձնաժողովի նախագահ պարոն Ջիանի Բուքիքիոյին և մյուս անդամներին՝ մաղթելով հետագա արդյունավետ գործունեություն, ընդգծելով հանձնաժողովի կարևորագույն դերը եվրոպական ընտանիքի գործունեության հիմքում ընկած արժեքների պաշտպանության և երաշխավորման գործում։

Ի պատասխան նշվածի՝ պարոն Բուքիքիոն, ի թիվս այլնի, վստահություն է հայտնել, որ նշված երկու ինստիտուտների միջև արդյունավետ համագործակցությունը կլինի շարունակական։