Վաղվանից Բաթումի և Քութայիսի քաղաքներում տեղաշարժման հետ կապված բոլոր սահմանափակումները հանվում են. Գախարիա

Վրաստանի Բաթումի և Քութայիսի քաղաքների ելումուտի հետ կապված բոլոր սահմանափակումները մայիսի 5-ից հանվում են. այս մասին  գրում է «Գռուզիա օնլայն»-ը՝ Վրաստանի վարչապետ Գեորգի Գախարիայի հայտարարությանը հղումով. հայտնում է Yerkir.am-ը։

Նա, մասնավորապես, նշել է. «Վաղվանից Բաթումի և Քութայիսի քաղաքներում տեղաշարժման հետ կապված բոլոր սահմանափակումները հանվում են: Թբիլիսի և Ռուսթավի քաղաքների հետ կապված որոշ սահմանափակումներ դեռ կմնան ուժի մեջ: Դա ուղիղ կապ ունի հարևան շրջաններում համաճարակային իրավիճակի հետ», ու հույս հայտնել՝ այդ երկու քաղաքները ևս բացելու հետ կապված որոշումներ կլինեն շաբաթվա վերջում:

Միևնույն ժամանակ Գախարիան մանրամասնել է նաև, որ շինարարության ոլորտի ընկերություններին մայիսի 5-ից թույլատրվում է վերկսել իրենց աշխատանքը: Նա հստակեցրել է, որ բացվող ընկերություններում ամեն օր իրականացվելու է անվտանգության կանոնների պահպանման վերահսկողություն:  

Հիշեցնենք՝ Վրաստանում կորոնավիրուսով վարակվածների ընդհանուր թիվը 593 է, իսկ մահացածներինը՝ 9: